ამ წყვილმა ყველაფერი გაყიდა, იყიდა იახტა და 2011 წლის 12 აგვისტოდან ისე ცხოვრობს, როგორ ცხოვრებასაც ბევრი ჩვენთაგანი ინატრებდა.

32 წლის მეთს და ჯესიკა ჯონსონებს კარგი სამსახური ჰქონდათ, აწყობილი ცხოვრება, მაგრამ მათ ეს ყველაფერი მიატოვეს და სამოგზაუროდ წავიდნენ.

მოცემული მომენტისთვის ჯონსონებმა უკვე 16 ქვეყანა მოინახულეს. ამ ჩამონათვალში შედის ბაჰამის კუნძილები, იამაიკა, კუბა და პერუ. მათთან ერთად მოგზაურობს კატა ჯორჯი, რომელიც მშვენივრად ცურავს.

"ჩვენი ცხოვრება ტიპიურ ამერიკულ ოცნებას გავდა. მივიღეთ განათლება, დავქორწინდით, ვიყიდეთ სახლი, ავაწყვეთ კარიერა. მხოლოდ ბავშვები გვაკლია"! - ჰყვება წყვილი Daily Mail-თან ინტერვიუში, - "ზედმეტად ბევრ უქმე დღეს ვატარებდით ტელევიზორთან, იმის მაგიერ, რომ რაიმე სასიამობნო და სასარგებლო გაგვეკეთბინა. ჩვენ მივხვდით, რომ რაღაც უნდა შეგვეცვალა!

ყველაფერი 2007 წლის ზაფხულში მიჩიგანის ტბაზე დაიწყო. მეთი უყურებდა ნავს და უეცრად თქვა, რომ ადრე მასაც სურდა ზღვაზე მოგზაურობა. მან თქვა, რომ შეგვიძლია ვიყიდოთ სახლი ან გავაკეთოთ ეკონომია და ვიყიდოთ იახტა. საერთო ჯამში, ჩვენ გადავწყვიტეთ, რომ შვებულებას ზღვაში გავატარებდით. სახლი 2011 წლის ივნისს გავყიდეთ, როდესაც გავაცნობიერეთ, რომ დიდი ხნით გვინდოდა სამოგზაურად წასვლა. შესაძლოა 4 წლით ან ხუთი. ივლისში ორივემ თავი დავანებეთ სამსახურს, გავყიდეთ მანქანები და მზად ვიყავით ახალი ცხოვრებისთვის. ვფიქრობ, რომ მოგზაურობამ შესანიშნავად იმოქმედა ჩვენს ურთიერთობაზე. ვერავინ გაექცევა ჩხუბს, თუ ერთ-ერთი ბრაზობს. საჭიროა ამ პრობლემებზე მუშაობა, სანამ არ გავაქრობთ. როდესაც ჩვენ ღუზა გვაქვს ჩაშვებული, კატას გემბანზე ჯდომა და თევზების ყურება უყვარს. ასევე ბევრი ისტორია გავიგეთ სხვა ადამიანებზე იმის შესახებ, თუ როგორ გადადეს თავისი ოცნების ასრულება სამომავლოდ, შემდეგ კი ამა თუ იმ მიზეზის გამო, ოცნება ვეღარ განახორციელეს. ამიტომ არ უნდა გადავდოთ ის, რასაც ბედნიერება მოაქვს"

2012 წელს წყვილმა კატა აიყვანა.

"ჯორჯი იახტაზე თავს მშვენივრად გრძნობს და ჩვენზე მყარად დგას ფეხზე".

რაღაც მომენტში ჯონსონებმა შემთხვევით აღმოაჩინეს, რომ კატას ცურვა შეუძლია.

"მან იახტის გარშემო გაცურა და კიბით გემბანზე ამოვიდა".


იხილეთ ამ წყვილისა და მათი კატის საოცარი ცხოვრების ამსახველი ფოტოგალერეა